सोलापूर : 'लायन्स क्लब सोलापूर, सेंट्रल'कडून समाजात भरीव कामगिरी करणाऱ्या समाजसेवकांना विविध पुरस्कारांनी सन्मानित करण्यात आले. या वेळी ओमप्रकाश रावतमल दायमा यांनी निःस्वार्थ भावनेने अखंडपणे केलेल्या गोसेवेची दखल घेत, त्यांना ‘लायन्स गोसेवक’ पुरस्काराने सन्मानित करण्यात आले. लायन अॅड. श्रीनिवास कटकूर यांच्या हस्ते ओमप्रकाश रावतमल दायमा यांना सन्मानपत्र, स्मृतीचिन्ह आणि भेटवस्तू देऊन गौरविण्यात आले. या सोहळ्यास लायन्स क्लब सोलापूर सेंट्रलचे अध्यक्ष लायन अॅड. श्रीनिवास कटकूर, उपाध्यक्ष लायन चंद्रकांत यादव, सचिव लायन विठ्ठल सारंगी, खजिनदार लायन राजू चौधरी, लायन चक्रधर अन्नलदास, प्रा.डॉ.राजदत्त रासोलगीकर उपस्थित होते.
